Krosssaumsverkefnið Stardust Fairy

Um leið og ég fékk sendinguna frá 123stitch.com byrjaði ég á Stardust Fairy, krosssaumur eftir Joan Elliot. Ég nota ipadinn minn til að skoða mynstrið. Þá get ég stækkað hana að vild, frábært fyrir þá sem sjá illa. Er búin með bls. 4 og á eftir smávegis á bls. 3 í mynstrinu. Ákvað að hvíla mig á fjólubláa litnum og fara á bls. 2.

Stardust Fairy

Núna er sendingin komin frá Stitchingbitsandbobs.com og þá fékk ég glitþráðinn til að klára krossauminn minn Snow much fun. Ég verð að segja að það er ekki gaman að sauma með glitþræði. Hann klofnar það mikið að ég ákvað að panta Thread in heaven sem er næring fyrir þræði og vona að mér gangi ögn betur við saumaskapinn.
Fékk nokkra glitþræði sem ég þarf ekki að nota þar sem ég uppgötvaði of seint síðuna frá Rainbow Gallery þar sem borið er saman litina frá RB og Kreinik. Reyndi að bera saman liti á heimasíðum en það borgar sig greinilega ekki. Svo núna á ég fallega bláan, bleikan, perluhvítan og fjólubláan glitþráð. Hugsa samt að ég nýti perluhvítan í stað hvítan (svipaðir litir) og fjólubláan í stað purple mambo (bláfjólublár). Fékk líka mjög fallegan jafa sem kallast Heroic, fannst vanta alveg blátt í jafann sem ég fékk en er mjög ánægð með hann. Er ekki viss að ég noti hann til að sauma A Wizard´s View eftir Joan Elliott. Finn kannski aðra fallega mynd jafann.

Jafinn, léleg myndgæði en hann er aðallega ljós með hint af rauðu

Update á krosssaumsverkefninu Snow much fun

Ég á ekki mikið eftir til að klára krosssaumsmyndina Snow much fun eftir Joan Elliott. Myndin er í bókinni Christmas Cross Stitch Treasures. Er ennþá að bíða eftir vörum sem ég pantaði frá Stitchingbitsandbobs.com. Það verða 3 vikur liðnar á morgun. Ástæðan fyrir því að ég pantaði frá þessari síðu en ekki allt frá 123stitch.com (sem ég fékk í síðustu viku) er að þar fékkst glitþræðir frá Rainbow Gallery. Sá þráður er jafndýr og Kreinik (sem uppskriftin segir okkur að nota) en mun drýgri. Á spólunni er 25 metrar en 10 metrar á spólunni frá Kreinik. Perlurnar eru einnig aðeins ódýrari hjá Stitchingbitsandbobs.

Fjör að skreyta jólatréð

Fyrsti pakkinn af þremur kominn

Vei, pakkinn minn er kominn. Tók aðeins 2 vikur frá því að ég pantaði frá 123stitch.com. Núna vantar mig tvo pakka í viðbót. Bíð spennt, í öðrum pakkanum er glitgarn og perlur en útsaumsgarn í hinum.
Ég ætla næst að sauma út mynd eftir Joan Elliott, frítt á netinu og nefnist Stardust fairy. Hérna getið þið nálgast uppskriftina.
Í pakkanum var jafinn sem mælt er með í uppskriftinni + glitþræðir. Jafinn er grár og mjög flottur með glitþræði. Hef lesið á netinu að það sé erfitt að vinna með glitþræði frá DMC en það kemur allt í ljós.

Pakkinn með gúmmilaðinu og fékk uppskrift í kaupbæti

Hér sést glitta í glitþráðinn sem er ofinn í jafann

Jólaprjón nr. 2 lokið

Ég kláraði að prjóna lítinn snjókarl í gær. Ég notaði afgangsgarn, cascade í hendurnar, tvöfalt kambgarn í nefið og tvöfalt smart í trefilinn. Mér finnst hann ansi sætur. Hér er hægt að finna uppskriftina. Setti hrísgrjón í poka og inn í búkinn og síðan fyllti ég hann með tróð. Hann stendur núna keikur í eldhúsglugganum. Jólaskreytingarnar byrja ansi snemma í ár.

Snjókarlinn sæti

Ég er búin að finna prjónagarn fyrir næsta verkefni og ætla að gera jólasvein. Ég pantaði Sirdar snowflake af woolwarehouse.co.uk, keypti Funny í Fjarðarkaup, en átti hinar 4.